想獲得更多資料? 9314 7723    
小星星愛心傳遞疫情中互相守望

小星星愛心派發口罩及搓手酒精給基層市民

1500個口罩 100消毒搓手液

今日100份口罩派發順利完成,每份物資包括10個成人口罩5個兒童口罩,1支消毒搓手液4片消毒酒精棉,祈禱文一篇,以及成人及兒童護目鏡各一副 雖然傻人會辛苦啲,為咗大家唔使排隊輪候,能夠盡快攞到物資即刻閃返屋企,而物資亦都希望對號入座迎合到小朋友需要, 兒童口罩都係跟年齡安排size 所以事前已經將分物資貼曬label亦都排曬次序入箱,大家嚟到講出number就唔使逐份逐份慢慢執,事前做多啲,活動當日家長就會順利啲

Apr 5, 2020

250個口罩

今日傻人牛一,感謝天父賜予我生命 ,以及使用我作有用的器皿,今年生日願望希望疫情快過,世界各處水深火熱的地方都能夠平安,求主憐憫🙏 天父賜傻人生命,生日當然要更加要努力工作感謝主的恩典,一早出發派口罩,繼續尋找清潔工人、殘疾長者、拾荒老人以及派發給街市菜販,50份口罩每份五個全數派出 特別鳴謝Hkigershopping及Secanthk捐贈出五十份口罩

Apr 1, 2020

3000個口罩 400消毒搓手液100ml

今日口罩派發活動完成,200份口罩順利到達每一位急需人士手上😷 感謝好友夫婦伉儷到場幫忙,感謝幾位家長好友幫忙,幫手托貨嘅托貨,幫手派物資嘅派物資,亦感謝到場領取口罩嘅家長幫忙其他同屬一區嘅家長代領🙇‍♀️ 因為今日迎合政府推出防疫政策,避免人群聚集,所以要分流領取,平時20分鐘完成嘅派口就活動,今日用咗四倍時間,萬望大家能夠多體諒🙇‍♀️ 感謝香港SEN聯盟 到場協助,感謝同心圓及善心朋友捐贈口罩、酒精搓手液以及潤手霜 🙇‍♀️ 今日200份防疫物資每份包括十個成人口罩五個兒童口罩,兩支各100ml消毒搓手液,一支潤手霜以及一張疫情中的祈禱文,報告完畢🙂

Mar 29, 2020

900個口罩 60消毒搓手液500ml

今日小星星愛心傳遞口罩派發繼續順利完成,60份口罩每份10個成人口罩及五個兒童口罩( 14歲以上孩子換作成人口罩), 一支壹點寧清涼,500ml消毒搓手液一支或190ml兩支或110ml4支 傻人在此代家長和星星孩子感謝捐贈以上物資的每位善心人🙇‍♀️ 疫情無分你我他,一方有難八方支援,相爭不足分享有餘,繼續一起愛~分享

Mar 22, 2020

780個口罩 60消毒搓手液30ml

今日小星星愛心傳遞物資派發順利完成 60份防疫物資,每份8個成人口罩5個兒童口罩,1盒健絡通藥貼草本,1支壹點寧清涼及一支30ml消毒搓手液 在此特別鳴謝健絡通黃天賜醫師捐贈藥貼及壹點寧清涼,慶鈺堂中醫診療所張雅菁醫師及劉建邦醫師捐贈成人口罩,以及善心人捐贈兒童口罩 感謝小星星愛心傳遞天兵一號小義工出動幫手 🙇‍

Mar 15, 2020

200個口罩 消毒搓手液100ml

突擊派發尋找有需要人士任務完成, 45份口罩每份5個,每份附加一支100ml消毒搓手液 派發對象清潔工人,殺入不同嘅垃圾房殺入埋草叢尋人,街市菜飯,長者及輪椅殘疾人士 突擊派發唔需要排隊,唔需要攞籌, 你唔需要搵我我自然會嚟搵你,你亦都唔需要知道我係邊個,一派完即閃 傻人琴日著厚衫熱到癲咗,今日著件薄衫凍到傻咗,而家要幫自己急救保暖 寒風中任務完成,報告完畢

Mar 11, 2020

打遊擊尋找清潔工人

昨日自我高速急救之下,傻人嘅哮喘已經緩和,今日一早繼續去巡村打遊擊尋找清潔工人,清潔工人面對厭惡性嘅工作但只得卑微嘅人工,試問如何招架天價般的口罩,見到有幾位連一個口罩都冇,有啲個口罩目測已經高度污染,傻人內心真係一陣淒酸,每人派發十個以解燃眉之急 😔 疫情無分你我他,一方有難八方支援,傻人在此繼續 懇求大家能夠捐贈口罩,讓小星星愛心傳遞能夠將口罩派發到有需要人士手上,誠邀大家一起愛~分享🙇‍

Mar 10, 2020

900個口罩 消毒搓手液30ml

今日小星星愛心傳遞口罩派發順利完成,900個口罩分成 60份,每份包括10個成人口罩及5個兒童口罩,健絡通藥貼草本一盒,壹點寧清涼一支以及消毒搓手液30ml一支,在此感謝各家長衷誠合作,令派發活動順利完成🙇‍♀️ 特別鳴謝健絡通在今次派發活動上捐贈六十盒健絡通草本藥貼,以及60支 壹點寧清涼,百分百餐廳捐贈500個成人口罩,善心人捐贈嘅100個成人口罩以及300個兒童口罩, 傻人在此代受惠的自閉症及特殊學習需要孩子家庭,感謝以上各單位無私的捐贈🙇‍

Mar 8, 2020

4200片消毒酒精棉片

傻人繼續忙碌工作,剛剛成功將4200片消毒酒精棉片轉贈給香港失明人互聯會,物資會派發畀需要打胰島素以及拮手指嘅失明人士病友 物資要對號入座畀急需人士,繼續疫情無分你我他,一方有難八方支援,一起愛~分享

Mar 3, 2020

1000個口罩及消毒搓手液

小星星愛心傳遞口罩派發順利完成,1000個口罩分為100份每份10個,20份轉贈給青草音符今日同步派發畀長者 餘下80份每份隨同口罩附送一支健絡通壹點寧清涼,一支110ml消毒搓手液以及兩條活力粉

Mar 1, 2020

800個口罩

小星星愛心傳遞今日口罩派發順利完成,40份成人口罩每份10個,40份兒童口罩每份10個,全數成功派發稍前已登記嘅特殊學習需要孩子家庭 因為延遲到4月開課,小朋友要保持腦筋靈活,家長應該都會好攰會出現周身骨痛,每家庭加送三條活力粉以及一支健絡通壹點寧清涼 特別鳴謝結好集團捐贈400個成人口罩以及400個中童口罩,健絡通創辦人黃天賜醫師捐贈40支一點寧清涼,以及小星星家長捐贈活力粉 繼續一方有難八方支援,愛是無所不能,愛~分享

Feb 26, 2020

50包如天同行愛心包

特別鳴謝如天同行捐贈5O份愛心包, 以及小星星音樂治療樂器班,兩位導師姐姐及一位助教哥哥到場幫忙做義工

Feb 23, 2020

570個成人口罩 200個四至七歲兒童口罩 72個7至12歲兒童口罩 30隻superbook創世之初DVD

送完口罩畀街市菜販傻人小休片刻,繼而繼續派發給自閉症孩子家庭領取 570個成人口罩每份10個57份附送一支50ml滴露以及1樽(CATALO)奥米加3軟糖 200個四至七歲兒童口罩每份10個共20份,72個7至12歲兒童口罩每份六個共12份,30隻superbook創世之初DVD,全數對號入座因應孩子年齡層送出 在此感謝捐贈者無私的捐贈

Feb 20, 2020

四桶每桶4000ml, 十支500ml 消毒搓手液

10時45分再將四桶每桶4000ml, 十支500ml 消毒搓手液,以及四盒醫護手套轉贈給耀能石圍角特殊幼兒中心以及象山幼兒中心,用作開學防疫之用

Feb 20, 2020

六桶各4000ml及5支各500ml消毒搓手液

雞啼咁早已經將六桶各4000ml,幫將軍澳培智學校訂購的消毒搓手液作咗交收,用作開學防疫之用,亦同步送上5支各500ml,俾而家要返學校嘅員工之用 感謝校工姨姨幫忙上門收取感激感激🙇‍♀️

Feb 20, 2020

500個口罩

又繼續漏夜開工,順利完成將十盒 500個口罩每5個一份包裝成100份,明早出發派給區內嘅街市菜販 因為佢哋都接觸好多社區人士,前日特登帶同紙筆去目測點人數,亦去查詢過佢哋本身嘅口罩情況,大家反映一個口罩戴幾日,都係極度需要關顧人士

Feb 20, 2020

350個口罩 60支一點寧清涼 十支消毒酒精

因為上一批轉贈畀兩間教會嘅口罩係唔足夠派畀兩區嘅獨居老人家,今日傻人再次將籌募返嚟嘅7盒共350個口罩轉贈畀兩間教會✝️ 星期日再派發畀青衣區及東涌區嘅獨居老人家,同步再送上60支一點寧清涼,以及十支消毒酒精派發給需要拮手指以及打胰島素嘅老人家👈 自閉症孩子的口罩明天會派發給已登記的家庭,大家一起共同抗疫一起加油💪

Feb 19, 2020

250個口罩

今日傻人成功將五盒合共250個口罩 轉贈給香港失明人互聯會,亦將34支消毒酒精同步送出 給香港失明人互聯會,以供需要拮手指及要打胰島素嘅失明人士之用 大家想要噴霧消毒可以用市面上其他產品,但消毒酒精對需要拮手指及打胰島素人仕好重要 希望大家明白傻人嘅安排,物資需要重點去到最切合需要的人手上

Feb 18, 2020

1550個口罩

今日傻人中午去提取物資嘅時候,收到朋友嘅訊息可以捐贈20盒口罩以及十包每包五個裝口罩,繼而朋友主動加推到25盒,最後再主動加推到30盒,天父定必保守好人朋友感謝你 亦感謝另一好友大風大雨,天寒地凍之下幫忙去提取物資,朋友感謝你 1550個口罩,除將會安排派發給獨居長者外,今次對象會係清潔工人, 小巴及巴士司機,以及區内各大厦管理員及街市菜販,因為呢班人士會接觸好多群眾都好需要 ,希望大家能夠明白傻人分配上嘅安排

Feb 16, 2020

1500個口罩

重點出擊任務完成,以免人與人接觸今次採用入信箱方法,仲做足最高度防備措施,1500個口罩每份三個500份全數送出,任務順利完成 特別鳴謝善心好友 資助全數口罩款項,出錢之餘仲出力幫忙包裝好,感激 感謝天盛道場滿sir及佢兩位好友幫忙作義工團隊🙇‍

Feb 16, 2020

350個口罩

得知青衣區及東涌區嘅獨居老人家冇口罩落唔到街,老人家更加去唔到排隊同人搶 今日傻人再將7盒口罩轉贈畀恩牧堂及另一會堂,350個口罩將會分成五個一份,合共70份會堂明日將會幫忙將口罩分派給教會獨居老人名單手上

Feb 15, 2020

80支消毒搓手液

小星星愛心傳遞今日派發80支消毒搓手液畀40個自閉症孩子家庭,每家庭各一支59ml及29 ml

Feb 12, 2020

100支消毒搓手液

多謝好友幫忙穿針引線,託在美國外遊嘅朋友幫忙,令傻人可以買到100支消毒搓手液免費派發給小星星們,朋友,感激感激🙇‍♀️ 特別鳴謝有心善心人全數贊助100支消毒搓手液費用,在此代100個受惠嘅自閉症孩子感謝您無私的幫忙🙇‍♀️ 100支消毒搓手液稍後會安排送出,分別50支 29ml,50支 59ml

Feb 10, 2020

800個口罩

今日800個口罩 每份4個共200份派發嘅對象係區内獨居長者,同步派發好友送贈嘅物資滴露漂白水同埋米,每戶老人家每人攞個樽仔分配,傑少贊助嘅廁紙亦都成功送到老人家手上✌ 感謝小星音樂班導師姐姐同佢靚仔男朋友及靚仔口罩哥哥一齊嚟做義工幫手🙇‍♀️

Feb 9, 2020

1200個口罩

特別鳴謝Carey baby日韓生活百貨 捐贈1200個口罩,今日先派發800個給基層家庭,餘下400個會稍後繼續派發,在此代基層家庭感謝Carey baby日韓生活百貨無私之舉🙇‍♀️

Feb 8, 2020

500個口罩以及30隻super book 創世之初dvd

感謝慈福行動捐贈500個口罩以及30隻super book 創世之初dvd給小星星愛心傳遞轉贈給基層以及弱勢嘅家庭,在此代稍後嘅受惠者作出感謝 在這段日子或許在很多人眼中是黑暗 的日子,四周都是唾罵爭奪搶掠 但傻人反而看到是充滿愛嘅世界,好多好多人願意伸出援手無私去幫忙, 就算素未謀面嘅都樂意提供協助 夜空再黑亦不能掩沒星光,香港人不分你我大家一起加油,仍然深信愛是比敗壞多的 再次感謝慈福行動無私的捐助💕

Feb 8, 2020

1300個成人口罩

捐贈第一批口罩嘅善心人再次捐贈1000個口罩,確實愛心無限, 在此代小星星們感謝善心人一而再無施之舉 而音樂治療工具箱兩位小星星樂器班嘅義務導師今亦贊助300個成人口罩以及100個兒童口罩,而且仲好有心專程嚟幫忙做義工派發,多謝曬及辛苦曬兩位 今日1300個成人口罩,包裝成一百三十分滿分十個, 兒童口罩五個一份, 分別20份 100份分發給自閉症孩子家庭, 每家庭一份, 20分轉贈給罕有病雷特氏症, 10份轉贈給打血針及洗腎嘅長期病患者,兒童口罩全數分派俾自閉症孩子

Feb 7, 2020

750個口罩

昨晚等兩個孩子覺覺豬後開始包裝口罩,搞咗成晚今日 小星星愛心傳遞再次將750個口罩分成75份每份10個,75份口罩已經成功免費派發給75個自閉症孩子家庭 在此特別鳴謝匿名善心人以及音樂治療工具箱導師Lesley姐姐贊助口罩費用,以後感謝揸住車去勻全港九 幫手搵口罩嘅靚仔哥哥,在此代一衆自閉症孩子家庭感謝三位無私的幫忙🙇‍♀️

Feb 5, 2020

650個口罩

在疫情之中感謝善心人捐贈650個口罩 給小星星愛心傳遞,知道我要照顧兩個特殊小朋友專程送到我家樓下 傻人已將口罩分成65份,每份十個, 已成功全數免費派發畀65個青衣基層家庭 在此再次代村民感謝善心朋友, 雖然在逆境困難之中, 但“愛”在疫症中蔓延

Feb 4, 2020

40支消毒搓手酒精

感謝朋友捐贈消毒搓手酒精,今日小星星愛心傳遞將40支消毒搓手酒精轉贈俾屋邨基層有幼童嘅家庭,逆境中繼續互相支持互相守望,香港人大家一起加油💪💪

Feb 2, 2020